O‘zbekiston Respublikasi Prezidentining 2024-yil 4-dekabrdagi “Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari tо‘g‘risida”dagi PQ-421-sonli qarori 4.2-bandi ijrosi yuzasidan quyidagilarni ma’lum qilamiz.

Ushbu topshiriq ijrosini ta’minlash maqsadida “O‘zbekiston respublika tovar-xom ashyo birjasi” AJda ish vaqtidan so‘ng belgilangan kunlarda jamoaviy sport turlari bilan shug‘ullanish tadbirlari tashkil etilgan.

Jumladan, birjada mehnat jamoasi ishtirokida muntazam ravishda jamoaviy futbol hamda stol tennisi musobaqalari o‘tkazilib kelinmoqda. Xodimlar ushbu sport tadbirlarida faol ishtirok etib, sog‘lom turmush tarzini shakllantirish bo‘yicha tashabbuslarni qo‘llab-quvvatlaydilar.

Xususan, qarorga asosan Vazirlik va idoralar, xo‘jalik birlashmalari, davlat ishtirokidagi tijorat banklari va korxonalar o‘z mehnat jamoasining sog‘lom turmush tarzini qo‘llab-quvvatlash va jismoniy faollik darajasini oshirish maqsadida kamida uchta jamoaviy sport turlari bo‘yicha sport klublari tashkil qilishi belgilandi.

Shuningdek, yoshlarni sport turlarida jalb qilish va iqtidorli sportchilarni saralab olish hamda yuqori mahoratli sportchilarni tayyorlash tizimini takomillashtirish maqsadida voleybol, basketbol, gandbol, regbi, chim ustida xokkey kabi bir necha sport turlarini rivojlantirish asosiy yo‘nalishlar etib belgilash;

yoshlarning jamoaviy sport turlariga qiziqishini oshirish, ularning jamoaviy sport turlari bilan shug‘ullanishi uchun zarur shart-sharoitlar yaratish, sport musobaqalarini tizimli o‘tkazib borishni yo‘lga qo‘yish;

jamoaviy sport turlari bo‘yicha zamonaviy sport obyektlarini barpo etish, mavjudlarining moddiy-texnika bazasini mustahkamlash, ularni zamonaviy sport anjomlari va jihozlari bilan ta'minlash kabi va yana bir qancha maqsadlar belgilangan.

Mazkur qaror ijrosi doirasida O‘zbekiston respublika tovar xom ashyo birjasida Boshqaruv raisi o‘rinbosari Z.Kamolov Birjada jamoaviy sport turi bo‘yicha sport klublari faoliyatini tashkil etishga masʼul etib belgilandi.

Mazkur vazifalar ijrosini taʼminlash maqsadida “O‘zRTXB” AJda xodimlar o‘rtasida shashka va shaxmat, stol tennisi kabi sport turlari bo‘yicha musobaqalar o‘tkazilib kelinmoqda. G‘oliblar jamoa o‘rtasida eʼlon qilinmoqda va esdalik sovg‘alar bilan taqdirlanmoqda.

Birjaning Kasaba uyushmasi tomonidan xodimlar uchun turli sport klublariga, jumladan sport va fitnes zallariga, suzish havzalariga bir necha oylik abonementlar olib berilmoqda.

Shu bilan birga, O‘zbekiston Respublikasi Prezidentining 2023-yil 11-sentabrdagi “O‘zbekiston-2030” strategiyasi to‘g‘risida”gi PF-158-son Farmonida  Har bir insonga o‘z salohiyatini ro‘yobga chiqarishi uchun munosib sharoitlarni yaratishning yoshlarga oid davlat siyosati va sport yo‘nalishlaridagi islohotlarida ham jismoniy tarbiya va sport bilan shug‘ullanadigan yoshlar qamrovini kengaytirish (1.4 band), bunda ommaviy sport tadbirlarini tashkil etish orqali yoshlar qamrovini 8 milliondan oshirish hamda sport bilan shug‘ullanishga jalb qilingan aholi ulushini 36 foizga yetkazish kabi bir qancha vazifalar belgilangan edi.

Bundan ko‘rinib turibdiki, hukumat tomonidan aholining ommaviy sport bilan shug‘ullanishi har tomonlama qo‘llab-quvvatlanmoqda. Bu orqali aholining o‘rtacha umrini oshirishga, kam harakatlilik oqibatidan kelib chiqadigan xastaliklarning oldini olishga erishiladi.

Manbaa: "O'zRTXB" AJ PR bo'limi