O'zbek
Ўзбек
Русский
English
KLIRING
Birja savdolarida tuzilgan bitimlarning bajarilishini moliyaviy kafolatlash maqsadida bitimlar bo‘yicha hisob-kitob ishlari Hisob-kitob kliring palatasi orqali bajariladi. Tuzilgan bitimlarni kafolatlash sotuvchi va sotib oluvchi tomonidan HKPda ochilgan shaxsiy hisob raqamiga kafolat mablag‘ini o‘tkazish bilan amalga oshiriladi. Agar taraflardan biri o‘z majburiyatlarini bajarmagan taqdirda kafolat mablag‘i zararlarni qoplash maqsadida ikkinchi tomonga o‘tkaziladi.
Kafolat bitimlarni amalga oshirish uchun sotuvchi va sotib oluvchi HKPdagi shaxsiy hisob raqamlariga birja tomonidan tasdiqlanadigan qoidalarda nazarda tutilgan garov summasini o‘tkazadi. Birja bitimi ro‘yxatdan o‘tkazilganidan so‘ng, bitimning belgilangan to‘lov muddati davomida sotib oluvchi oldi-sotdi shartnomaga asosan moliyaviy majburiyatlarni to‘liq qoplashi uchun sotuvchining HKPdagi hisob raqamiga qo‘shimcha mablag‘ni o‘tkazishi shart.