Birja savdolari orqali sotiladigan mahsulotlarni tashishda bozor tamoyillarini keng qo‘llanilishini ta’minlash, teng raqobat sharoitini yaratish va shaffoflikni oshirish maqsadida O‘zbekiston respublika tovar-xom ashyo birjasining e-logistika.uzex.uz elektron logistika portalida moderatsiya amaliyoti joriy etilmoqda.

Qishloq xo‘jaligi sohasida erkin bozor munosabatlarini yana-da rivojlantirish, paxta-to‘qimachilik klasterlari va qishloq xo‘jaligi mahsulotlarini yetishtiruvchilar o‘rtasidagi munosabatlarni bozor tamoyillari asosida takomillashtirish, tarmoqda sog‘lom raqobat muhitini shakllantirish maqsadida O‘zbekiston Respublikasi Prezidentining "Qishloq xo‘jaligida erkin bozor munosabatlarini yana-da rivojlantirishning qo‘shimcha chora-tadbirlari to‘g‘risida"gi Farmoni qabul qilindi.

O‘tgan hafta davomida, ya’ni 4 - 10-dekabr kunlari “O‘zbekiston respublika tovar-xom ashyo birjasi” AJning barcha savdo platformalarida 1 883,2 mlrd so‘mlik tovarlar sotilgan bo‘lib, bu avvalgi haftaga nisbatan 30,4% ga kamdir. Bunda tuzilgan bitimlarning qariyb 72,3% birja savdolariga, qolgan 27,7% qismi esa elektron tijorat savdo tizimlariga to‘g‘ri keldi.

O‘tgan hafta davomida, yaʼni 27-noyabr - 3-dekabr kunlari “O‘zbekiston respublika tovar-xom ashyo birjasi” AJning barcha savdo platformalarida 2 705,4 mlrd so‘mlik tovarlar sotilgan bo‘lib, bu avvalgi haftaga nisbatan 6,0% ga kamdir. Bunda tuzilgan bitimlarning qariyb 75,1% birja savdolariga, qolgan 24,9% qismi esa elektron tijorat savdo tizimlariga to‘g‘ri keldi.

Joriy yil 30-noyabr kuni O‘zbekiston respublika tovar-xom ashyo birjasi O‘zbekiston Respublikasi Korrupsiyaga qarshi kurashish agentligi bilan hamkorlikda korrupsiyaga qarshi kurashish, manfaatlar to‘qnashuvi va odob-axloq qoidalari mavzusiga bag‘ishlangan amaliy seminar o‘tkazdi.

Joriy yil 28-noyabrda “Birja mexanizmlaridan foydalanishni kengaytirish va birjada shaffoflikni ta’minlash” mavzusida ommaviy axborot vositalari ishtirokida O‘zbekiston respublika tovar-xom ashyo birjasining Sirdaryo filialiga press-tur hamda mahalliy tadbirkorlar bilan davra suhbati tashkil etildi.