O‘tgan hafta davomida, yaʼni 5-11-oktabr kunlari “O‘zbekiston respublika tovar-xom ashyo birjasi” AJning barcha savdo platformalarida 36 213 ta bitim tuzilgan bo‘lib, bu avvalgi haftaga nisbatan 21,6 % ga ko‘pdir. Ularning 59,3 % birja savdolariga, qolgan 40,7 % qismi esa elektron tijorat savdo tizimlariga to‘g‘ri keldi.

Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 97,6 mlrd so‘mlik mablag‘lari tejaldi.

Ko‘rib chiqilayotgan davr mobaynida onlayn-auksion orqali 199 ta telefon raqamlar sotildi.

Birja savdolari

Ko‘rib chiqilayotgan davrda ochiq birja savdolari orqali jami 21 476 ta bitim tuzildi.

Un

Birja savdolari orqali 6 693,0 tonna un sotildi. O‘rtacha kunlik sotuv hajmlari 1 339,0 tonnani tashkil qildi.

Ko‘rib chiqilayotgan davrda un bo‘yicha shakllangan kunlik o‘rtacha narxlar mahsulotning bir tonnasi uchun 4 099,5 ming so‘mdan 4 056,3 ming so‘mgacha pasaydi. O‘tkazilgan savdolarda har kuni o‘rtacha 100 nafar xaridor ishtirok etdi.

Sheluxa

Birja savdolarida 2 491,0 tonna sheluxa sotildi. O‘tkazilgan savdolarda har kuni o‘rtacha 5 nafar xaridor ishtirok etdi. O‘rtacha kunlik sotuv hajmlari 498,0 tonnani tashkil qildi.

Ko‘rib chiqilayotgan davrda sheluxaning kunlik o‘rtacha narxlari mahsulotning bir tonnasi uchun 3 195,7 ming so‘mdan 2 272,0 ming so‘mgacha pasaydi.

Sintetik nafta

O‘tgan hafta mobaynida 2 231,0 tonna sintetik nafta birja savdolari orqali sotildi. O‘tkazilgan savdolarda har kuni o‘rtacha 7 nafar xaridor ishtirok etdi. O‘rtacha kunlik sotuv hajmlari 446,0 tonnani tashkil qildi.

Ko‘rib chiqilayotgan davrda sintetik naftaning kunlik o‘rtacha narxlari mahsulotning bir tonnasi uchun 5 417,8 ming so‘mdan 5 330,5 ming so‘mgacha pasaydi.

Barcha tovarlar bo‘yicha haftalik kotirovkalar bilan quyidagi havola orqali tanishishingiz mumkin.

Manba: Ommaviy kommunikatsiyalar va tashqi iqtisodiy faoliyat bo‘limi