O‘tgan hafta davomida, yaʼni 10–16-avgust kunlari “O‘zbekiston respublika tovar-xom ashyo birjasi” AJning barcha savdo platformalarida 32 561 ta bitim tuzilgan bo‘lib, bu avvalgi haftaga nisbatan 11,2 % ga ko‘pdir. Ularning 51,1 % birja savdolariga, qolgan 48,91 % qismi esa elektron tijorat savdo tizimlariga to‘g‘ri keldi.

Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 199,9 mlrd so‘mlik mablag‘lari tejaldi.

Ko‘rib chiqilayotgan davr mobaynida onlayn-auksion orqali 172 ta telefon raqamlar sotildi.

Birja savdolari

Ko‘rib chiqilayotgan davrda ochiq birja savdolari orqali jami 16 637 ta bitim tuzildi.

Polietilen

O‘tgan xaftada birja savdolariga 3 527,5 tonna polietilen qo‘yildi va undan 3 517,5 tonnasi, ya’ni 99,7 % qismi sotildi. O‘rtacha kunlik sotuv hajmlari 703,5 tonnani tashkil qildi.

Ko‘rib chiqilayotgan davrda polietilen bo‘yicha shakllangan kunlik o‘rtacha narxlar mahsulotning bir tonnasi uchun 18 266,5 ming so‘mdan 17 817,0 ming so‘mgacha pasaydi. O‘tkazilgan savdolarda har kuni o‘rtacha 68 nafar xaridor ishtirok etdi.

Sement

Birja savdolariga 587 236,0 tonna sement qo‘yildi va undan 203 213,0 tonnasi, yaʼni 34,6% qismi sotildi. O‘rtacha kunlik sotuv hajmlari 40 642,6 tonnani tashkil qildi.

Ko‘rib chiqilayotgan davrda sement bo‘yicha shakllangan kunlik o‘rtacha narxlar mahsulotning bir tonnasi uchun 581,1 ming so‘mdan 564,7 ming so‘mgacha pasaydi. O‘tkazilgan savdolarda har kuni o‘rtacha 74 nafar xaridor ishtirok etdi.

Karbamid

O‘tgan hafta mobaynida birja savdolariga 8 895,7 tonna karbamid qo‘yildi va undan 8 849,7 tonnasi, yaʼni 99,5% sotildi. O‘rtacha kunlik sotuv hajmlari 1 769,9 tonnani tashkil qildi.

Ko‘rib chiqilayotgan davrda barcha markali karbamidning kunlik o‘rtacha narxlari mahsulotning bir tonnasi uchun 5 276,1 ming so‘mdan 4 929,8 ming so‘mgacha pasaygan. O‘tkazilgan savdolarda har kuni o‘rtacha 589 nafar xaridor ishtirok etdi.

 

Barcha tovarlar bo‘yicha haftalik kotirovkalar bilan quyidagi havola orqali tanishishingiz mumkin.

Manba: Ommaviy kommunikatsiyalar va tashqi iqtisodiy faoliyat bo‘limi