O‘tgan hafta davomida, yaʼni 2 – 8 dekabr kunlari “O‘zbekiston respublika tovar-xom ashyo birjasi” AJning barcha savdo platformalarida 2 461,0 mlrd so‘mlik tovarlar sotilgan bo‘lib, bu avvalgi haftaga nisbatan 29,4% ga kamdir. Bunda tuzilgan bitimlarning qariyb 80,9% birja savdolariga, qolgan 19,1% qismi esa elektron tijorat savdo tizimlariga to‘g‘ri keldi.

Kichik biznes va xususiy tadbirkorlik subyektlari ishtirokida tuzilgan bitimlarning umumiy hajmi 628,7 mlrd so‘mni tashkil qildi. Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 89,8 mlrd so‘mlik mablag‘lari tejaldi.

Ko‘rib chiqilayotgan davr mobaynida onlayn auksion orqali 3 550 ta avtoraqamlar sotildi, sotilgan davlat raqam belgilarining umumiy summasi 18,1 mlrd so‘mni tashkil qildi.

Birja savdolari

Ko‘rib chiqilayotgan davrda ochiq birja savdolari orqali jami 1 991,3 mlrd so‘mlik tovar resurslari sotildi, shu jumladan:

Sheluxa

O‘tgan hafta mobaynida birja savdolariga 11 573,0 tonna sheluxa qo‘yildi va undan 5 989,0 tonnasi, yaʼni 51,7% sotildi. 

Ko‘rib chiqilayotgan davrda sheluxa bo‘yicha shakllangan kunlik o‘rtacha narxlar mahsulotning bir tonnasi uchun 3 190,6 ming so‘mdan 2 892,5 ming so‘mgacha pasaydi. O‘tkazilgan savdolarda har kuni o‘rtacha 11 ta xaridor ishtirok etdi.

Ammiakli selitra

Birja savdolari orqali 3 829,0 tonna ammiakli selitra sotildi. O‘rtacha kunlik sotuv hajmlari 766,0 tonnani tashkil qildi.

Ko‘rib chiqilayotgan davrda ammiakli selitraning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 2 954,4 ming so‘mdan 2 732,1 ming so‘mgacha pasaydi. O‘tkazilgan savdolarda har kuni o‘rtacha 5 ta xaridor ishtirok etdi.

Bug‘doy

O‘tgan haftada 54 586,0 tonna bug‘doy birja savdolari orqali sotildi. O‘tkazilgan savdolarda har kuni o‘rtacha 49 ta xaridor ishtirok etdi. O‘rtacha kunlik sotuv hajmlari 10 917,0 tonnani tashkil qildi.

Ko‘rib chiqilayotgan davrda barcha markadagi bug‘doyning kunlik o‘rtacha narxlari mahsulotning bir tonnasi uchun 2 466,2 ming so‘mdan 2 366,5 ming so‘mgacha pasayganini taʼkidlash lozim.

Manba: Ommaviy kommunikatsiyalar va tashqi iqtisodiy faoliyat bo‘limi