bayroqlar O'zbek bayroqlar Ўзбек bayroqlar Русский bayroqlar English
Parolni unutdingizmi?
Ro'yxatdan o'tish
bayroqlar O'zbek bayroqlar Ўзбек bayroqlar Русский bayroqlar English

Birja tashqi savdo faoliyatini kuchaytirmoqda

10 08/2022
Ko‘rildi: 7213
Ulashish:
Yangiliklar
10 08/2022
Chop etish

O‘zbekiston respublika tovar-xom ashyo birjasi xorijiy hamkorlar, dunyoning yetakchi birjalari, xalqaro moliya tashkilotlari va ishbilarmonlari bilan aloqalarni mustahkamlash hamda xorijiy savdo maydonchalari tarmog‘ini kengaytirish bo‘yicha amaliy ishlarni davom ettirmoqda.
 
O‘zbekiston Respublikasi Prezidenti tomonidan belgilangan vazifalardan kelib chiqqan holda O‘zbekiston respublika tovar-xom ashyo birjasi O‘zbekistonning xorijdagi elchixonalar bilan birgalikda 5 ta yangi xorijiy savdo maydonchalarini ochdi. Xususan birjaning xorijdagi yangi tayanch ofislari Rossiya, Turkiya, Ozarbayjon va Tojikiston kabi mamlakatlarda o‘z faoliyatlarini boshlashdi.
 
Yangi xorijiy savdo maydonchalarini ochishdan ko‘zlangan asosiy maqsad birja savdolarining bozor mexanizmlaridan foydalangan holda tadbirkorlar va tovar ishlab chiqaruvchilarning O‘zbekiston va boshqa davlatlarning tovar bozorlariga erkin kirishini ta’minlashdan iboratdir.
 
Birjaning elektron savdo tizimlari savdo va hisob-kitoblarning shaffofligi, ishonchli tovar ishlab chiqaruvchilar bilan bevosita aloqa o‘rnatish, vaqt va mablag‘ tejamkorliligi, shuningdek to‘lovlarni va tovarni yetkazib berishning kafolatlash kabi afzalliklarga ega.
 
Xorijiy savdo maydonchalarning faollashuvi natijasida 2022 yil yanvar-iyul oylarida O‘zbekiston respublika tovar-xom ashyo birjasida 120 dan ziyod yangi norezident mijozlar akkreditatsiyadan o‘tkazildi hamda 257,0 mln AQSH dollarlik tashqi savdo bitimlari tuzildi.
 
O‘z navbatida, xorijiy savdo maydonchalari tarmog‘ining kengayishi nafaqat mahalliy tovarlarni tashqi bozorlarga olib chiqishga, balki talab yuqori bo‘lgan tovarlarni olib kirish orqali ichki narxlarning barqarorlashishiga ham ko‘mak beradi.
 
Shu bois mamlakatimizda oziq-ovqat xavfsizligini ta’minlash va ichki bozorlarda narx-navo barqarorligini saqlash maqsadida o‘tgan davrda birjaning savdo maydonchalari orqali 483,4 ming tonna bug‘doy import qilingan bo‘lib, bu o‘tgan yilning 7-oyiga nisbatan 17 marotabaga ko‘pdir.
 
Shuningdek, O‘zbekiston Respublikasi Tashqi ishlar vazirligi va O‘zbekiston Respublikasining xorijiy davlatlardagi diplomatik vakolatxonalari ko‘makligida Dalyan tovar birjasi (DEX, Xitoy), Pokiston tovar birjasi (RMЕX), Fransiya tovar birjasi (Euronext MATIF), Madrid birjasi (Bolsa de Madrid), Gamburg savdo palatasi va birjasi (Hamburger Borse), Malayziya birjasi (Bursa Malaysia), Indoneziya tovar birjasi (ICDX), Tel-Aviv birjasi (TASE), Dubay ko‘p tarmoqli tovar birjasi (DMCC) va Ictanbul birjasi (Borsa Istanbul, BIST) bilan hamkorlik aloqalari yo‘lga qo‘yilmoqda.
 
AQSH Savdo vazirligining Tijorat huquqini rivojlantirish dasturi (CLDP) va Tovar birjalari bo‘yicha komissiyasi (CFTC) bilan zamonaviy birja savdo vositalarini joriy etish bo‘yicha maslahatlashuvlar ham davom ettirilmoqda.
 
O‘z navbatida, xorijiy birjalar, xalqaro tashkilotlar va ekspertlar bilan hamkorlik birja savdolarining me’yoriy-huquqiy bazasini takomillashtirish va O‘zbekistonda birja faoliyatini yanada rivojlantirishga xizmat qiladi.

Manba: Ommaviy kommunikatsiyalar va tashqi iqtisodiy faoliyat bo‘limi

Boshqa yangiliklar: