Birja rahbariyati hududlarda fuqarolarni sayyor qabullarini o‘tkazdi
“O‘zbekiston respublika tovar-xom ashyo birjasi” AJ rahbariyati tasdiqlangan jadvalga muvofiq jismoniy va yuridik shaxslarning sayyor qabullarini davom ettirmoqda.
Xususan, 2023-yil avgust oyida birja rahbariyati tomonidan joylarda aholi va tadbirkorlarning muammolarini aniqlash, o‘rganish va ularni bartaraf etish maqsadida Buxoro va Samarqand viloyatlarida ochiq muloqot va sayyor qabullar o‘tkazdi.
Tadbirlarda “O‘zbekiston respublika tovar-xom ashyo birjasi” AJ hududiy filiallarining boshqaruvchilari va mutaxassislari, brokerlari, kichik biznes va xususiy tadbirkorlik sub’ektlari hamda elektron savdolarining boshqa ishtirokchilari qatnashdilar.
Uchrashuvlar davomida birja savdolari va elektron davlat xaridlarini tashkil etish tartib-taomillari, shuningdek, bugungi kunda birja sohasida amalga oshirilayotgan o‘zgarishlar va yangiliklar bilan tanishtirib o‘tildi, birja mijozlariga yaratilayotgan sharoitlarga oid qabul qilingan hukumat qarorlarining mazmun mohiyati batafsil tushuntirib berildi.
Sayyor qabullarda tadbirkorlik sub’ektlarining faoliyatida birja sohasi bilan bog‘liq yuzaga kelayotgan muammo va kamchiliklarni ko‘rib chiqish, ularni bartaraf etish bo‘yicha takliflar ishlab chiqish orqali ularning birjadagi ishtirokini kengaytirish maqsadida ishtirokchilar tomonidan berilgan savollarga batafsil tushuntirish va tegishli javoblar berilib, bildirilgan taklif-mulohazalarni o‘z vaqtida hal etish lozimligi ta’kidlab o‘tildi.
Tadbirlar davomida birjada sotiladigan tovarlar ro‘yxatini kengaytirish, birjada eksport hamda import operatsiyalarini yanada yengillashtirish, yangi spot savdo tizimini takomillashtirish, birja savdolari, davlat xaridlari savdo tizimlarida yangi qulayliklarni yaratishga doir savollar va takliflar kelib tushdi.
O‘tkazilgan sayyor qabullar yakunlariga ko‘ra jismoniy va yuridik shaxslarning murojaatlari, tadbirkorlar va birja a’zolari tomonidan bildirilgan taklif va mulohazalar ijro uchun qabul qilindi.
Manbaa: "O'zRTXB" AJ PR bo'limi
Boshqa yangiliklar:
- UZEX haftalik dayjesti (29 – aprel – 5 – may)
- UZEX va UZINFOCOM o‘rtasida o‘zaro hamkorlik memorandumi imzolandi
- UZEX haftalik dayjesti (22 - 28-aprel)
- Buxoroda xorijiy ekspertlar ishtirokida seminar o‘tkazildi
- UZEX haftalik dayjesti (15 - 21-aprel)
- Samarqandda ConFEAS 2024 xalqaro birja anjumani bo‘lib o‘tdi