2023-yil yanvarda “O‘zbekiston respublika tovar-xom ashyo birjasi” AJ o‘z tarixida ilk bor uzoq muddatli milliy va xorijiy valyutadagi emitentning kredit reytingini egalladi.

“Fitch Ratings” xalqaro reyting agentligining hisobotiga ko‘ra, O‘zbekiston respublika tovar-xom ashyo birjasining xalqaro reyting bahosi “B” (barqaror kutilma) darajada tasdiqlangan.

Birja tomonidan xalqaro kredit reytingini egallash bo‘yicha ishlar O‘zbekiston Respublikasi Prezidentining 2022-yil 24-noyabrdagi PQ-430-son Qarorining ijrosini ta’minlash doirasida amalga oshirilgan.

Mazkur xalqaro reyting “O‘zbekiston respublika tovar-xom ashyo birjasi” AJ ning ochiq biznes strategiyasi, shaffof moliyaviy hisoboti va rivojlangan korporativ boshqaruvini tasdiqlaydi, hamda mahalliy mijozlar va xalqaro investorlarning birja faoliyatiga nisbatan bo‘lgan ishonchini oshiradi.

Manba: Ommaviy kommunikatsiyalar va tashqi iqtisodiy faoliyat bo‘limi