2024-yilda O‘zbekiston respublika tovar-xom ashyo birjasining mobilraqam.uzex.uz savdo tizimida aloqa operatorlarining 4 830 ta mobil va qisqa raqamlari sotildi. Bunda, mobil va qisqa raqamlarning 95% jismoniy shaxslar, 5% – yuridik shaxslar tomonidan xarid qilingan.

Sotilgan raqamlarning eng yuqori bahosi 1 070,0 mln so‘mni tashkil etib, bu birjaning mazkur elektron savdo tizimi ishga tushirilgan paytdan buyon rekord ko‘rsatkich hisoblanadi.

2025-yil boshidan buyon birjaning mobilraqam.uzex.uz savdo tizimida 1 152 ta mobil va qisqa raqamlar sotilgan bo‘lib, bu o‘tgan yilning mos davriga nisbatan 5,5 foizga ko‘pdir. Sotilgan mobil raqamning maksimal narxi 140,0 mln so‘mni tashkil etdi.

Elektron savdoda ishtirok etish uchun birjaning mobilraqam.uzex.uz vebsaytida ro‘yxatdan o‘tish va birjaning hisob-kitob kliring palatasiga zakalat mablag‘ini kiritish lozim.

Manba: Ommaviy kommunikatsiyalar va tashqi iqtisodiy faoliyat bo‘limi