2026-yil 7-noyabr kuni “Özbekiston respublika tovar-xom aşyo birjasi” AJ (UZEX) U-Enter innovatsion markazi bilan hamkorlikda “UZEX AI Hackathon” musobaqasining final bosqiçini boşladi.

Toşkentdagi U-Enter innovatsion markazida ötayotgan ikki kunlik finalda har biri uç kişidan iborat 23 ta jamoa iştirok etmoqda. Jamoalar birjaning amaliy vazifalari uçun sun’iy intellektga asoslangan yeçimlar işlab çiqmoqda.

Tadbirning oçiliş marosimida UZEX boşqaruvi raisi Asadulla Qayumov hamda K-Lab loyihasi menejeri janob Lim Sungjoon kiriş sözi bilan iştirok etdi.

Xakaton birjaning içki jarayonlarini avtomatlaştiriş, raqamli xizmatlar sifatini oşiriş va ulardan foydalanişni qulaylaştirişga qaratilgan sun’iy intellekt yeçimlarini işlab çiqiş maqsadida taşkil etilgan.

Xakatonda iştirok etiş uçun 443 ta jamoa, jami 1 267 nafar iştirokçi ariza topşirgan. Saralaş bosqiçida 268 ta jamoa (783 nafar iştirokçi) prototip taqdim etdi. Ularga haqiqiy birja reyestri tuzilişiga mos ravişda sun’iy şakllantirilgan 500 mingta bitim haqidagi ma’lumotlar berildi. Jamoalar 24 soat içida uşbu ma’lumotlar asosida savollarga özbek va rus tillarida javob beradigan AI-agent prototiplarini işlab çiqdi. Prototiplar maxsus komissiya tomonidan amaliy sinovdan ötkazildi.

Şuningdek, UZEX mutaxassislari iştirokçilarga birja faoliyatidagi amaliy vazifalar va muammolarni taqdim etdi. Jamoalar “Birja prognozi”, “Adolatli narx”, “Şaffof savdolar”, “Tender böyiça AI-yurist” va “UZEX yordamçisi” yönalişlaridan birini tanlab, mentorlar bilan yeçim konsepsiyasini şakllantirdi va prototiplar ustida işlaşni boşladi. Kun davomida mentorlar va texnik ekspertlar jamoalarga maslahat hamda amaliy kömak körsatdi.

Tadbir davomida “Eurosoft” kompaniyasi asosçisi Murod Sodiq dasturiy mahsulotlar işlab çiqiş böyiça amaliy tajribasi haqida ma’ruza qildi.

Ikki kun davomida iştirokçilar tomonidan işlab çiqilgan sun’iy intellekt yeçimlari birjaning içki jarayonlarini takomillaştiriş, iş samaradorligini oşiriş va raqamli xizmatlarni rivojlantirişga xizmat qilişi kutilmoqda.

Hakamlar hay’ati baholaş natijalariga köra ğolib va sovrindorlarni aniqlaydi. Ğolib jamoalar a’zolari qimmatbaho sovğalar bilan taqdirlanadi.

Manba: Ommaviy kommunikatsiyalar va tashqi iqtisodiy faoliyat bo‘limi