Birja savdolari orqali sotiladigan mahsulotlarni tashishda bozor tamoyillarini keng qo‘llanilishini ta’minlash, teng raqobat sharoitini yaratish va shaffoflikni oshirish maqsadida O‘zbekiston respublika tovar-xom ashyo birjasining e-logistika.uzex.uz elektron logistika portalida moderatsiya amaliyoti joriy etilmoqda.

Mazkur amaliyot joriy yilning 18-dekabridan boshlab O‘zbekiston respublika tovar-xom ashyo birjasining e-logistika.uzex.uz elektron logistika portaliga auksion o‘tkazish to‘g‘risidagi kiritiladigan e’lonlar va to‘g‘ridan-to‘g‘ri tuzilgan shartnomalar haqidagi ma’lumotlarga nisbatan qo‘llaniladi.

Birja mijozlariga qulaylik yaratish maqsadida moderatsiya jarayonlari har ish kunlari portalga ma’lumot kiritilgan vaqtdan boshlab 1 soat mobaynida tezkorlik bilan amalga oshiriladi.

Eslatib o‘tamiz, e-logistika.uzex.uz elektron logistika portali O‘zbekiston Respublikasi Prezidentining 2021-yil 17-martdagi PQ-5031-son qaroriga muvofiq yuk tashish sohasida shaffoflikni ta’minlash va sog‘lom raqobatni yaratish maqsadida joriy etilgan.

Manbaa: "O'zRTXB" AJ PR bo'limi