O‘zbekiston Respublikasi Prezidentining 2024-yil 4-dekabrdagi PQ-421-sonli “Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari to‘g‘risida”gi qaroriga muvofiq, “O‘zbekiston respublika tovar-xom ashyo birjasi” AJ tomonidan sog‘lom hayot tarzini shakllantirishga qaratilgan tizimli ishlar olib borilmoqda.

Mazkur tashabbus doirasida birja tizimida muntazam ravishda turli jamoaviy sport tadbirlari – futbol va stol tennisi bo‘yicha musobaqalar tashkil etilmoqda. Tadbirlar belgilangan kunlarda, ish vaqtidan so‘ng, xodimlarning faol ishtirokida o‘tkazilmoqda.

Tashkil etilayotgan musobaqalar nafaqat xodimlarning jismoniy faolligini oshirish, balki birja jamoasi o‘rtasida sog‘lom raqobat, jamoaviylik ва ijobiy munosabatlarni kuchaytirishga ham xizmat qilmoqda.

Ishtirokchilar har bir bellashuvda katta ishtiyoq va do‘stona ruh bilan qatnashib, jamoa ichida mustahkam sport muhitini shakllantirmoqdalar.

“O‘zbekiston respublika tovar-xom ashyo birjasi” AJ sog‘lom turmush tarzini qo‘llab-quvvatlashga oid bunday tashabbuslarni kelgusida ham davom ettirishni rejalashtirmoqda.

Manba: Ommaviy kommunikatsiyalar va tashqi iqtisodiy faoliyat bo‘limi