Joriy yil 15 avgust kuni Muxbir Daliyev Telegram kanali (https://t.me/muxbir1/17577?single) da “xarid.uzex.uz ga murojaat!” nomli post e’lon qilindi.

Mazkur postda budjet tashkiloti tomonidan davlat xaridlari bo‘yicha lotlarni birjaning xarid.uzex.uz elektron savdo tizimiga joylashtirishga doir ko‘tarilgan masala yuzasidan O‘zbekiston respublika tovar-xom ashyo birjasi mazkur murojaat yuzasidan o‘z vakolati doirasida quyidagilarni ma’lum qiladi.

O‘zbekiston Respublikasi “Davlat xaridlari to‘g‘risida”gi Qonunining 19-moddasiga asosan Davlat buyurtmachisi davlat xaridlarini rejalashtirishi, ushbu Qonunga muvofiq xarid qilish tartib-taomili turini tanlash to‘g‘risida qaror qabul qilishi va qonunchilikda belgilangan tartibda davlat xaridlarini amalga oshirishi belgilangan.

Mazkur Qonunning 18-moddasiga muvofiq O‘zbekiston Respublikasi Moliya vazirligi davlat xaridlari sohasidagi vakolatli organ sifatida belgilanib, 75-moddasiga asosan esa ushbu Qonunning va davlat xaridlari sohasidagi boshqa qonunchilik hujjatlarining to‘g‘ri qo‘llanilishi ustidan davlat nazoratini O‘zbekiston Respublikasi Hisob palatasi, O‘zbekiston Respublikasi Bosh prokuraturasi, O‘zbekiston Respublikasi Korrupsiyaga qarshi kurashish agentligi, O‘zbekiston Respublikasi Moliya vazirligi, O‘zbekiston Respublikasi Monopoliyaga qarshi kurashish qo‘mitasi o‘z vakolatlari doirasida amalga oshirishi ko‘rsatilgan.

Shu munosabat bilan, buyurtmachilar tomonidan davlat xaridlari tartib taomillari to‘g‘ri bajarilishi bo‘yicha yuqorida ko‘rsatilgan tashkilotlarga murojaat qilinishi maqsadga muvofiq.

Manba: Ommaviy kommunikatsiyalar va tashqi iqtisodiy faoliyat bo‘limi