O'zbek
Ўзбек
Русский
English
“Fitch Ratings” agentligi UZEX birjasining reytingini qayta tasdiqladi
“Fitch Ratings” agentligi “O‘zbekiston respublika tovar-xom ashyo birjasi” AJning xalqaro reytingi bahosini “B” (barqaror kutilma) darajasida qayta tasdiqladi.
“Fitch Ratings” agentligi tomonidan berilgan navbatdagi hisobotda kompaniyaning mustahkam biznes-modeli va yuqori rentabellik ko‘rsatkichlari hamda korporativ qarzdorligining yo‘qligi hisobga olingan.
Mazkur xalqaro reyting “O‘zbekiston respublika tovar-xom ashyo birjasi” AJ ning ochiq biznes strategiyasi, shaffof moliyaviy hisoboti va rivojlangan korporativ boshqaruvini tasdiqlaydi, hamda mahalliy mijozlar va xalqaro investorlarning birja faoliyatiga nisbatan bo‘lgan ishonchini oshiradi.
Ma’lumot uchun: “Fitch Ratings” - amerika korporatsiyasi bo‘lib, xalqaro reyting agentligi sifatida tanilgan. Kompaniya jahon kredit bozorlarini mustaqil va istiqbolli kredit reytinglari, tushunchalar va ma’lumotlar bilan ta’minlashga ixtisoslashgan.
Manba: Ommaviy kommunikatsiyalar va tashqi iqtisodiy faoliyat bo‘limi