Navro‘z bayrami munosabati bilan O‘zbekiston respublika tovar-xom ashyo birjasining bosh ofisida tantanali tadbirlar bo‘lib o‘tdi.

Bahor bayrami arafasida “2024-yilda O‘zbekiston respublika tovar-xom ashyo birjasida yoshlarga oid davlat siyosatini amalga oshirish yuzasidan amalga oshirilishi lozim bo‘lgan chora-tadbirlar dasturi” ijrosini taʼminlash maqsadida birjaning yosh xodimlari o‘rtasida shaxmat, shashka, stol tennisi musobaqalari o‘tkazildi.

Musobaqalar bir nechta bosqichlarda o‘tkazilib, ular davomida barcha turnir ishtirokchilari haqiqiy sport xarakteri va g‘alaba qozonish uchun katta ishtiyoq va kuchli irodani namoyish etdilar. Har bir sport turi bo‘yicha shiddatli kurash finallarga qadar davom etdi.

O‘z navbatida birja xodimlarining musobaqalarda faol ishtiroki ahil va samarali korporativ jamoani shakllantirishning yaqqol namunasi ham bo‘ldi.

Musobaqalar natijalariga ko‘ra turli yo‘nalishlar bo‘yicha quyidagi g‘olib va sovrindorlar aniqlandi:

Shashka bo‘yicha: 

1 o‘rin – Azizbek Botirov.

2 o‘rin – Mo‘minjon Abdurashidov.

3 o‘rin – Toxirbek Zarifov.

Shaxmat bo‘yicha: 

1 o‘rin – Doniyorxon Nusratov.

2 o‘rin – Javohir Po‘latov.

3 o‘rin – Mirabzal Turg‘unov.

Stol tennisi bo‘yicha:

1 o‘rin – Alisherjon Kozimov.

2 o‘rin – Elyor Mirhosilov.

3 o‘rin – Sirojiddin Qosimov.

Musobaqa natijalariga ko‘ra 3 ta faxriy o‘rinni egallagan g‘oliblar faxriy yorliq va esdalik sovg‘alar bilan taqdirlandi.

Manba: Ommaviy kommunikatsiyalar va tashqi iqtisodiy faoliyat bo‘limi