Davlat xaridlari elektron tizimining tanlash va tender (etender.uzex.uz) savdolarida yetkazib beruvchilarga qo‘shimcha qulaylik yaratish maqsadida lotlar yuzasidan takliflarning muvaffaqiyatli yuborilganligi hamda  dastlabki bayonnoma shakllanganligi to‘g‘risida mobil telefon orqali SMS-xabarlarni (rozilik bildirilganda) olish imkoniyati yaratildi.

Buning uchun, yetkazib beruvchi kerakli lotga o‘z taklifini berish jarayonida “Talablar” bo‘limida “SMS-xabarnoma” tugmasi yordamida, mobil telefon raqamini kiritgan holda tasdiqlovchi kod orqali ushbu xizmatga ulanadi.

Ushbu yaratilgan funksiya xarid ishtirokchilariga tanlash va tender bo‘yicha taqdim qilgan elektron takliflarini “Taklif yuborilgan” va “Dastlabki elektron bayonnoma shakllangan” bosqichidan xabardor bo‘lish imkonini beradi.

Manbaa: "O'zRTXB" AJ PR bo'limi