Davlat xaridlari tizimida yangi xizmat turi joriy etildi
Byudjet buyurtmachilarga qo‘shimcha qulaylik yaratish maqsadida O‘zbekiston respublika tovar-xom ashyo birjasining davlat xaridlari bo‘yicha xarid.uzex.uz elektron tizimida navbatdagi yangilik joriy etildi.
Xususan, byudjet buyurtmachilari to‘g‘ridan-to‘g‘ri tuziladigan shartnomalar bo‘yicha amalga oshirilgan to‘lovlar to‘g‘risida maʼlumotlardan erkin foydalanish imkoniyatiga ega bo‘lishdi.
To‘g‘ridan-to‘g‘ri tuzilgan asosiy shartnoma bo‘yicha xarid qilingan tovar (xizmat, ish)lar uchun o‘tkazilgan mablag‘larga doir batafsil maʼlumotlar byudjet buyurtmachilarning shaxsiy kabinetining “qo‘shimcha kelishuv” bo‘limida aks ettirilmoqda. Mazkur xizmat turi amalga oshirilgan to‘lovlarni inobatga olgan holda, qo‘shimcha kelishuvlarni tuzish jarayonini yengillashtiradi.
To‘g‘ridan-to‘g‘ri tuziladigan shartnomalar davlat xarid qilish tartib-taomillarini amalga oshirish turlaridan biri bo‘lib, ular to‘g‘risida maʼlumotlar davlat xaridlari bo‘yicha elektron tizimga joylashtiriladi.
Manbaa: "O'zRTXB" AJ PR bo'limi
Boshqa yangiliklar:
- UZEX haftalik dayjesti (29 – aprel – 5 – may)
- UZEX va UZINFOCOM o‘rtasida o‘zaro hamkorlik memorandumi imzolandi
- UZEX haftalik dayjesti (22 - 28-aprel)
- Buxoroda xorijiy ekspertlar ishtirokida seminar o‘tkazildi
- UZEX haftalik dayjesti (15 - 21-aprel)
- Samarqandda ConFEAS 2024 xalqaro birja anjumani bo‘lib o‘tdi