O‘zbekiston respublika tovar-xom ashyo birjasida derivativlar bozorini yo‘lga qo‘yish va rivojlantirishga bag‘ishlangan amaliy seminar boshlandi. Tadbir AQSH Savdo vazirligining Tijorat huquqini rivojlantirish dasturi (CLDP) bilan hamkorlikda tashkil etildi.

Seminar mashg‘ulotlari xalqaro ekspertlar – loyiha rahbari Alina Nasir, dastur koordinatori Aleksa Blek hamda jahon fyuchers bozorlarida ko‘p yillik rahbarlik tajribasiga ega mutaxassis Kevin Pikkoli tomonidan olib borilmoqda.

Amaliy sessiyalar doirasida xatarlarni boshqarish, kliring, marja ta’minoti hamda kontraktlar spetsifikatsiyasi bo‘yicha ilg‘or xalqaro standartlar va amaliyotlarni o‘rganishga alohida e’tibor qaratilmoqda. Ushbu tajribalarning muvaffaqiyatli o‘zlashtirilishi O‘zRTXBning global moliyaviy tizimlarga integratsiyalashuvi hamda ishonchli xedjirlash vositalarini joriy etish uchun mustahkam asos bo‘lib xizmat qiladi.

Manba: Ommaviy kommunikatsiyalar va tashqi iqtisodiy faoliyat bo‘limi