O'zbek
Ўзбек
Русский
English
Davlat xaridlari elektron tizimida ishtirokchilar reytingi ishlab chiqilmoqda
Davlat xaridlari tizimda shaffoflik va samaradorlikni oshirish hamda buyurtmachi va yetkazib beruvchilarga qo‘shimcha qulayliklar yaratish maqsadida “O‘zbekiston respublika tovar-xom ashyo birjasi” AJ Iqtisodiyot va moliya vazirligi bilan hamkorligida davlat xaridlari ishtirokchilarning reytingini ishlab chiqmoqda.
Mazkur reyting tizimini ishlab chiqish O‘zbekiston Respublikasi Vazirlar Mahkamasining 2022-yil 31-dekabrdagi “Davlat xaridlari elektron tizimi operatorlari faoliyatini tartibga solish mexanizmlarini takomillashtirish chora-tadbirlari to‘g‘risida”gi 734-son qarori ijrosini taʼminlash doirasida amalga oshirilmoqda.
Ishtirokchilar reytingining bosh mezoniga yetkazib beruvchilarning ishonchligi, yaʼni ular tomonidan shartnoma majburiyatlarining to‘liq bajarilishi kiritiladi. Shuningdek, xarid ishtirokchilarini statistik ko‘rsatkichlar, elektron tizimda beriladigan eʼlonlarning to‘g‘ri kiritilishi va boshqa maxsus talablar asosida baholanishi hamda yuqori, o‘rta va quyi toifalarga bo‘linishi nazarda tutilgan.
O‘z navbatida, reytingda yuqori pog‘onaga erishgan ishtirokchilar bir qator afzaliklardan foydalanish imkoniyatiga ega bo‘lishadi, shu jumladan:
- elektron do‘kon tizimiga joylashtirilgan ofertalar avtomatik tarzda moderatsiyadan o‘tishi;
- elektron do‘kon tizimida tovar (ish, xizmat)larni ishtirokchilar reytingi asosida izlash;
- tuzilgan shartnomalar bo‘yicha to‘lovlarni kafolatlashning soddalashtirilgan tartibi va boshqa rag‘batlantirish mexanizmlari.
Mazkur yangi xizmat turining joriy etilishi, shuningdek, davlat xaridlari bo‘yicha buyurtmachilarga sifatsiz tovarlarni yetkazib berish bilan bog‘liq muammolarni bartaraf etishga ham xizmat qiladi.
Manba: Ommaviy kommunikatsiyalar va tashqi iqtisodiy faoliyat bo‘limi
Boshqa yangiliklar:
- Afg‘onistonda O‘zbekiston respublika tovar-xom ashyo birjasi tarmog‘i kengaymoqda
- UZEX haftalik dayjesti (24-30-noyabr)
- Hududlarda davlat xaridlari bo‘yicha tadbirkorlar uchun seminarlar o‘tkazildi
- Afg‘onistonda birjaning savdo maydonchasi ochildi
- UZEX haftalik dayjesti (17-23-noyabr)
- Elektron davlat xaridlari bo‘yicha yangi servislar joriy qilindi