Joriy yilning boshidan buyon O‘zbekiston respublika tovar-xom ashyo birjasining agro.uzex.uz elektron savdo platformasida 695 ta bitim tuzildi.

Tuzilgan bitimlarning 68,5% ko‘chatlar, 15% sabzavotlar va 6% yormalar savdosiga to‘g‘ri kelgan. Xususan, eng yirik bitimlar pista, guruch, kartoshka, qarag‘ay ko‘chatlari, kunjut urug‘i, keshyu yong‘og‘i va kashtan kabi qishloq xo‘jaligi mahsulotlari bo‘yicha tuzilgan.

Ko‘rib chiqilayotgan davrda mazkur platformada 311 nafar ishtirokchi faol ishtirok etib, ularning 154 nafari sotuvchilar va 157 nafarini xaridorlar tashkil etadi.

Hududlar kesimida xaridlarning katta qismi, yaʼni 18% Qoraqalpog‘iston Respublikasiga to‘g‘ri kelgan. Keyingi o‘rinlarni Surxondaryo va Xorazm viloyatlari mos tarzda 13-14% ulushlar bilan egalladi.

Maʼlumot uchun: Birjaning Agro Uzex elektron savdo platformasi aholi tomorqalarida, fermer va dehqon xo‘jaliklarida yetishtirilgan qishloq xo‘jaligi mahsulotlarini erkin bozor narxlarida sotishga mo‘ljallangan.

Manba: Ommaviy kommunikatsiyalar va tashqi iqtisodiy faoliyat bo‘limi