O‘tgan hafta davomida, ya’ni 10-16-noyabr kunlari “O‘zbekiston respublika tovar-xom ashyo birjasi” AJning barcha savdo platformalarida 34 860 ta bitim tuzilgan bo‘lib, bu avvalgi haftaga nisbatan 3,5% ga ko‘pdir. Ularning 35,6% birja savdolariga, qolgan 64,4% qismi esa elektron tijorat savdo tizimlariga to‘g‘ri keldi.

Davlat xaridlari tizimlarida o‘tkazilgan elektron savdolar natijasida byudjet va korporativ buyurtmachilarining qariyb 142,1 mlrd so‘mlik mablag‘lari tejaldi.

Ko‘rib chiqilayotgan davr mobaynida onlayn auksion orqali 261 ta telefon raqamlar sotildi.

Birja savdolari

Ko‘rib chiqilayotgan davrda ochiq birja savdolari orqali jami 12 393 ta bitim tuzildi.

Un

Birja savdolari orqali 10 637,0 tonna un sotildi. O‘rtacha kunlik sotuv hajmlari 2 127,0 tonnani tashkil qildi.

Ko‘rib chiqilayotgan davrda un bo‘yicha shakllangan kunlik o‘rtacha narxlar mahsulotning bir tonnasi uchun 4 094,2 ming so‘mdan 3 974,8 ming so‘mgacha pasaydi. O‘tkazilgan savdolarda har kuni o‘rtacha 118 nafar xaridor ishtirok etdi.

Ammoniy sulfat

O‘tgan haftada birja savdolari orqali 1 787,0 tonna ammoniy sulfat sotildi. O‘tkazilgan savdolarda har kuni o‘rtacha 32 nafar xaridor ishtirok etdi. O‘rtacha kunlik sotuv hajmlari 357,0 tonnani tashkil qildi.

Ko‘rib chiqilayotgan davrda ammoniy sulfatning kunlik o‘rtacha narxlari mahsulotning bir tonnasi uchun 2 527,0 ming so‘mdan 2 432,5 ming so‘mgacha pasaydi.

Polietilen

Birja savdolariga 3 485,0 tonna polietilen qo‘yildi va undan 3 371,0 tonnasi, ya’ni 96,7% sotildi. O‘rtacha kunlik sotuv hajmlari 674,0 tonnani tashkil qildi.

Ko‘rib chiqilayotgan davrda polietilen bo‘yicha shakllangan kunlik o‘rtacha narxlar mahsulotning bir tonnasi uchun 16 052,3 ming so‘mdan 16 010,7 ming so‘mgacha pasaydi. O‘tkazilgan savdolarda har kuni o‘rtacha 74 nafar xaridor ishtirok etdi.

Manba: Ommaviy kommunikatsiyalar va tashqi iqtisodiy faoliyat bo‘limi