CME Group, UZEX va Phillip Capital hamkorligida tashkil etilgan “CME Group fyucherslari orqali tovarlar bo‘yicha xedjlash” mavzusidagi xalqaro o‘quv vebinarining ikkinchi kuni 19-avgust kuni onlayn formatda o‘tkazildi.

Vebinarning ikkinchi kunida bug‘doy, neft, oltin va mis fyucherslari, shuningdek, fyuchers shartnomalari orqali narx tavakkalchiliklarini xedjlash masalalari ko‘rib chiqildi. Taqdimotlarda tovar fyucherslarining xususiyatlari, narx o‘zgarishlari bilan bog‘liq tavakkalchiliklarni boshqarish hamda xedjlash strategiyalarini amaliyotda qo‘llash bo‘yicha xalqaro tajriba taqdim etildi. Ishtirokchilar mavzular yuzasidan mutaxassislarga savollar berib, qo‘shimcha ma’lumotlarga ega bo‘ldilar.

Mazkur tadbir CME Group va UZEX o‘rtasidagi hamkorlikni yanada rivojlantirish, xalqaro fyuchers bozori bo‘yicha tajriba almashish hamda O‘zbekistonda derivativlarni joriy qilish va rivojlantirishga xizmat qiladi.

Manba: Ommaviy kommunikatsiyalar va tashqi iqtisodiy faoliyat bo‘limi