Birjada konstitutsion o‘zgarishlarga bag‘ishlangan seminar bo‘lib o‘tdi
2022 yil 2 avgust kuni birjaning Markaziy binosida birjaning Yuridik bo‘limi tomonidan “O‘zbekiston Respublikasi Konstitutsiyasiga o‘zgartirish va qo‘shimchalar kiritish to‘g‘risida”gi O‘zbekiston Respublikasi Konstitutsiyaviy qonuni loyihasi yuzasidan o‘quv seminari o‘tkazildi.
Mazkur o‘quv seminaridan ko‘zlangan maqsad xodimlarning konstitutsiyaga kiritilayotgan o‘zgartirish va qo‘shimchalar bo‘yicha huquqiy savodxonligini, shuningdek mamlakatda olib borilayotgan huquqiy islohatlardan xabardorligini oshirish hisoblanadi.
Ta’kidlab o‘tilganidek, konstitutsiyaviy qonun loyihasi Konstitutsiyamizning 60 dan ortiq moddalariga 200dan ortiq tuzatishlarni nazarda tutmoqda.
Konstitutsiyaviy tuzatishlar, avvalambor, jamiyatning turli ijtimoiy qatlamlariga mansub bo‘lgan fuqarolarning shaxsiy, ijtimoiy, iqtisodiy, siyosiy, madaniy va yekologik huquqlari hamda manfaatlarini ta’minlashga, himoya qilishga qaratilgan to‘g‘ridan-to‘g‘ri ishlaydigan normalarga aylanadi.
Kiritilayotgan o‘zgartish va qo‘shimchalar avvalo “inson qadri uchun” degan tamoyilni ro‘yobga chiqarishga qaratilganligi ishtirokchilar tomonidan e’tirof etildi.
O‘quv seminari yakunida tinglovchilar o‘zlarini qiziqtirgan savollarga javob olishdi.
Manbaa: "O'zRTXB" AJ PR bo'limi
Boshqa yangiliklar:
- UZEX va UZINFOCOM o‘rtasida o‘zaro hamkorlik memorandumi imzolandi
- UZEX haftalik dayjesti (22 - 28-aprel)
- Buxoroda xorijiy ekspertlar ishtirokida seminar o‘tkazildi
- UZEX haftalik dayjesti (15 - 21-aprel)
- Samarqandda ConFEAS 2024 xalqaro birja anjumani bo‘lib o‘tdi
- Samarqandda MDH XBU umumiy yig‘ilishi bo‘lib o‘tdi