“AGRO EXCHANGE” MChJ TEMIR-BETON SHPALER USTUNLARINI YETKAZIB BERISH BO‘YICHA ENG YAXSHI TAKLIFLAR TANLOVINI E’LON QILADI

“AGRO EXCHANGE” MChJ (keyingi o‘rinlarda — Jamiyat) Jizzax viloyati Baxmal tumanida joylashgan 32 gektar yer maydoni uchun temir-beton shpaler ustunlarini yetkazib berish bo‘yicha eng yaxshi takliflar tanlovini e’lon qiladi.

1. Tanlov ishtirokchilariga qo‘yiladigan talablar:

• Qarzdorlik mavjud emasligi: soliq va boshqa majburiy to‘lovlardan muddati o‘tgan qarzdorlik mavjud bo‘lmasligi lozim.

• Faoliyat muddati: korxona davlat ro‘yxatidan o‘tkazilganiga kamida 6 oy bo‘lgan bo‘lishi shart.

• Ishonchlilik: ishtirokchi Insofsiz ijrochilarning yagona reyestriga kiritilmagan bo‘lishi kerak.

• Affillanganlik: ishtirokchi Buyurtmachi yoki tanlovning boshqa ishtirokchilari bilan o‘zaro bog‘liq, ya’ni affillangan shaxs hisoblanmasligi lozim.

2. Tanlovda ishtirok etish shartlari:

• Tanlovda mahalliy va xorijiy korxonalar ishtirok etishi mumkin.

3. Yetkazib berilishi lozim bo‘lgan mahsulotlar ro‘yxati:

1. Temir-beton shpaler ustuni:

a) 100×100 mm o‘lchamdagi temir-beton ustun:

• Uzunligi — 5 metr;

• Kesimi — 100×100 mm;

• Ichki armaturasi — 4 dona Ø5 mm qovurg‘ali sim;

• Miqdori — 1 036 dona.

b) 80×80 mm o‘lchamdagi temir-beton ustun:

• Uzunligi — 5 metr;

• Kesimi — 80×80 mm;

• Ichki armaturasi — 4 dona Ø5 mm qovurg‘ali sim;

• Miqdori — 9 390 dona.

Beton tarkibida sho‘rlanish, muzlash va korroziya ta’siriga qarshi chidamliligini oshiruvchi maxsus kimyoviy qo‘shimchalar bo‘lishi shart.

Yuqorida ko‘rsatilgan barcha mahsulotlar yangi, sertifikatlangan, texnik talablarga muvofiq va yuqori sifatli bo‘lishi lozim.

4. To‘lov shartlari:

• Oldindan to‘lov: shartnoma imzolangan kundan boshlab 10 bank kuni ichida shartnoma umumiy qiymatining 50 foizi miqdorida oldindan to‘lov amalga oshiriladi.

• Yakuniy hisob-kitob: qolgan 50 foiz mablag‘ mahsulotlar to‘liq va tegishli sifatda yetkazib berilgandan so‘ng amalga oshiriladi.

Barcha manfaatdor tashkilotlardan o‘z tijorat takliflarini quyidagi manzil yoki elektron pochta manzillariga yuborishlarini so‘raymiz:

Manzil: 100007, Toshkent shahri, Bobur ko‘chasi, 77-uy.

Elektron pochta manzillari: zakupki@rtsb.uz; e.sodiqov@rtsb.uz