“Agro-Exchange” MCHJ Qashqadaryo viloyati, Shahrisabz tumani “Uloch” MFY va Navoiy viloyati Xatirchi tumani “Koksaroy” MFY hududidagi bog‘larda ekilgan daraxtlarga ishlov berish uchun mis kuporosi va 17%li bo‘r mikroelementi xarid qilish bo‘yicha eng yaxshi takliflar tanlovini e’lon qiladi
“Agro-Exchange” MCHJ Qashqadaryo viloyati, Shahrisabz tumani “Uloch” MFY va Navoiy viloyati Xatirchi tumani “Koksaroy” MFY hududidagi bog‘larda ekilgan daraxtlarga ishlov berish uchun mis kuporosi va 17%li bo‘r mikroelementi xarid qilish bo‘yicha eng yaxshi takliflar tanlovini e’lon qiladi.
1. Xarid predmeti
- Mis kuporasi — 550 kg
- Bo‘r mikroelementi (17%) — 72 kg
Mahsulotlarning texnik ko‘rsatkichlari va sifat darajasi buyurtmachi tomonidan belgilangan talablarga javob berishi lozim.
2. Tanlov ishtirokchilariga qo‘yiladigan talablar
Tanlovda ishtirok etuvchi talabgorlar quyidagi talablarga javob berishi lozim:
- korxona davlat ro‘yxatidan o‘tkazilganiga kamida 6 oy bo‘lgan bo‘lishi;
- soliqlar va boshqa majburiy to‘lovlar bo‘yicha muddati o‘tgan qarzdorligi mavjud bo‘lmasligi;
- insofsiz ijrochilarning yagona reyestriga kiritilmagan bo‘lishi;
- buyurtmachi yoki tanlovning boshqa ishtirokchilari bilan manfaatlar to‘qnashuviga olib keluvchi o‘zaro bog‘liq (affillangan) munosabatlarda bo‘lmasligi;
- shartnoma bo‘yicha o‘z zimmasiga oladigan majburiyatlarni belgilangan muddat va talablar asosida bajarish imkoniyatiga ega bo‘lishi.
3. Mahsulotlarni tayyorlab berish shartlari
Mahsulotlarni qabul qilish jarayonida ularning miqdori, yaroqlilik muddati va texnik talablarga muvofiqligi buyurtmachi tomonidan tekshiriladi.
Talablarga javob bermaydigan, nuqsonli, yaroqlilik muddati o‘tgan yoki buyurtmada belgilangan texnik ko‘rsatkichlarga mos kelmaydigan mahsulotlar qabul qilinmaydi.
4. To‘lov shartlari
To‘lovlar tomonlar o‘rtasida kelishilgan va shartnomada belgilangan shartlar asosida amalga oshiriladi.
5. Tijorat takliflarini taqdim etish
Barcha manfaatdor tashkilotlar tijorat takliflarini belgilangan muddatda quyidagi manzillardan biri orqali taqdim etishlari mumkin.
Manzil: 100007, Toshkent shahri, Bobur ko‘chasi, 77-uy.
Elektron pochta: zakupki@rtsb.uz yoki e.sodiqov@rtsb.uz
Murojaat uchun: Elyor Sodiqov — 71 207 00 33 (+1402).