“Agro Exchange” MCHJ Qashqadaryo viloyati, Shahrisabz tumani, Uloch MFY hududida barpo etilayotgan butik mehmonxona va restoran faoliyatini yo‘lga qo‘yish (operatsion boshqaruvni tashkil etish) bo‘yicha ixtisoslashgan korxonalar o‘rtasida eng yaxshi takliflar tanlovini e’lon qiladi.

1. Tanlov ishtirokchilariga quyidagi talablar belgilanadi:

• Soliq va boshqa majburiy to‘lovlardan qarzdorligi mavjud bo‘lmasligi.
• Tashkil etilganiga 6 oydan kam bo‘lmagan bo‘lishi.
• Insofsiz ijrochilarning yagona reyestrida mavjud bo‘lmasligi.

2. Tanlov predmeti va bajariladigan ishlar hajmi: Butik mehmonxona va restoran faoliyatini ishga tushirish doirasida quyidagi ishlar amalga oshirilishi talab etiladi:

• Butik mehmonxona va restoranning umumiy operatsion boshqaruv tizimi va xizmat ko‘rsatish standartlarini ishlab chiqish hamda joriy etish.
• Xodimlarni tanlash, ishga qabul qilish va yuqori darajadagi mehmondo‘stlik (HoReCa) standartlari asosida o‘qitish.
• Mehmonxona boshqaruv tizimlarini (PMS) va restoran axborot tizimlarini o‘rnatish hamda xodimlarni ushbu dasturlarda ishlashga tayyorlash.
• Restoran menyusini ishlab chiqish, ta’minot zanjirini shakllantirish hamda oshxona jarayonlarini to‘liq yo‘lga qo‘yish.
• Majmuaning rasmiy ochilishi hamda dastlabki faoliyat davrida xizmatlar sifatini nazorat qilish va muvofiqlashtirish.

3. Ishtirokchilarga qo‘yiladigan maxsus talablar:

• Zamonaviy butik mehmonxonalar va yuqori toifali restoranlarni noldan ishga tushirish hamda boshqarish bo‘yicha amaliy tajribaga ega bo‘lish.
• Mehmondo‘stlik sohasida malakali mutaxassislar jamoasiga ega bo‘lish.

4. To‘lov shartlari:

• Xizmat ko‘rsatuvchi tomonidan haqiqatda bajarilgan ishlar bo‘yicha dalolatnoma tuzilib, ikki tomonlama imzolanadi.
• Dalolatnoma asosida buyurtmachiga elektron hisob-faktura taqdim etiladi.
• To‘lovlar elektron hisob-faktura va bajarilgan ishlar dalolatnomasi tasdiqlangandan so‘ng amalga oshiriladi.

5. Takliflarni qabul qilish va bog‘lanish: Barcha manfaatdor tashkilotlardan o‘z tijorat takliflarini 100007, Toshkent sh., Bobur ko‘chasi 77-uy manziliga yoki zakupki@rtsb.uz va e.sodiqov@rtsb.uz elektron pochta manzillariga jo‘natishlarini so‘raymiz.

Loyihaning texnik topshiriqlari va batafsil maʼlumot olish uchun quyidagi telefonlarga murojaat qilishingiz mumkin:

• Tashkiliy masalalar bo‘yicha: (+99871) 207-00-33 (ichki raqam 1402 E.Sodiqov).