Avtomototransport vositalariga ro‘yxatdan o‘tkazish davlat raqami belgilarini (RO‘DRB) rasmiylashtirish tartibining takomillashtirilishi munosabati bilan O‘zbekiston Respublikasi Vazirlar Mahkamasining «Avtomototransport vositalarini davlat ro‘yxatidan o‘tkazish va ularga ro‘yxatdan o‘tkazish davlat raqami belgilarini berish tartibini takomillashtirish to‘g‘risida» 2017-yil 31-avgustdagi 683-son qaroriga, Vazirlar Mahkamasining 2023-yil 21-iyundagi 253-sonli qarori bilan o‘zgartirish va qo‘shimchalar kiritildi.

O‘zbekiston respublika tovar-xom ashyo birjasining davlat xaridlarini tashkil etish bo‘yicha mutaxassislari tomonidan O‘zbekiston Respublikasi Sanitariya-epidemiologik osoyishtalik va jamoat salomatligi qo‘mitasi va uning hududiy boshqarmalarida joriy yilning 21-22-iyun kunlari “Davlat xaridlarida, davlat buyurtmachisi sifatida xaridlarni amalga oshirish” mavzusida seminar tashkil etildi.

Joriy yil 20-iyun kuni O‘zbekiston respublika tovar-xom ashyo birjasi hamda “O‘ztransgaz” AJ xodimlari ishtirokida strategik korxonalarning Davlat xaridlari sohasidagi muammolarini o‘rganish bo‘yicha davra suhbati bo‘lib o‘tdi. Mazkur tadbir “O‘zbekiston respublika tovar-xom ashyo birjasi” AJ hamda “O‘ztransgaz” AJ tomonidan tashkil etildi.

O‘tgan hafta davomida, yaʼni 12 – 18-iyun kunlari “O‘zbekiston respublika tovar-xom ashyo birjasi” AJning barcha savdo platformalarida 2 305,9 mlrd so‘mlik tovarlar sotilgan bo‘lib, bu avvalgi haftaga nisbatan 8,1% ga ko‘pdir. Bunda tuzilgan bitimlarning qariyb 77,5% birja savdolariga, qolgan 22,5% qismi esa elektron tijorat savdo tizimlariga to‘g‘ri keldi.

2023-yil 13-iyun kuni Xitoyning oziq-ovqat, qurilish, neft, kimyo, IT va farmatsevtika sohalaridagi 10 ta kompaniyalari vakillari O‘zbekiston respublika tovar-xom ashyo birjasi (UZEX) markaziy ofisiga tashrif buyurdilar.

O‘tgan hafta davomida, yaʼni 5-11-iyun kunlari “O‘zbekiston respublika tovar-xom ashyo birjasi” AJning barcha savdo platformalarida 2 133,8 mlrd so‘mlik tovarlar sotilgan bo‘lib, bu avvalgi haftaga nisbatan 14,9% ga kamdir.