"Agro-Exchange" MCHJ Qashqadaryo viloyati, Shahrisabz tumanidagi mehmonxona va restoranning 3-qavat terrasasi uchun markaziy sovutish-isitish tizimini xarid qilish va montaj qilish bo'yicha eng yaxshi takliflar tanlovini e'lon qiladi.

1. Tanlov ishtirokchilariga qo‘yiladigan talablar:

• Qarzdorlikning mavjud emasligi: Soliq va boshqa majburiy to‘lovlardan muddati o‘tgan qarzdorlik bo‘lmasligi lozim.
• Faoliyat muddati: Korxona tashkil etilganiga kamida 6 oy bo‘lgan bo‘lishi shart.
• Ishonchlilik: Insofsiz ijrochilarning yagona reyestrida mavjud bo‘lmasligi kerak.
• Affillanganlik: Buyurtmachi yoki tanlovning boshqa ishtirokchilari bilan o‘zaro bog‘liq (affillangan) bo‘lmasligi lozim.

2. Ishtirok etish shartlari:

• Tanlovda mahalliy va xorijiy korxonalar ishtirok etishi mumkin.

3.   Texnik vazifa:  Talab etiladigan mahsulotlar ro‘yxati va miqdori:

Tanlov predmeti:

Mehmonxona va restoranning 3-qavatida joylashgan terrasa hududi uchun markaziy sovutish va isitish havo tizimini (VRF tizimi) yetkazib berish, o‘rnatish, montaj qilish, ishga tushirish-sozlash hamda tizimni to‘liq ishchi holatda topshirish ishlarini amalga oshirish.

Ijrochi quyidagi ishlarni to‘liq amalga oshirishi lozim:

• obyektni o‘rganish va zarur texnik hisob-kitoblarni amalga oshirish;
• terrasa hududining maydoni va iqlim sharoitidan kelib chiqqan holda talab etiladigan VRF tizimi quvvatini aniqlash;
• sovutish va isitish tizimi uchun zarur tashqi va ichki bloklarni yetkazib berish;
• freon quvurlari, elektr ta’minoti, boshqaruv kabellari, drenaj tizimi va boshqa zarur kommunikatsiyalarni o‘rnatish;
• barcha montaj ishlarini amaldagi texnik talablar va xavfsizlik qoidalariga muvofiq bajarish;
• tizimni ishga tushirish va sozlash;
• tizimning yozgi sovutish va qishki isitish rejimlarida to‘liq va samarali ishlashini ta’minlash;
• buyurtmachi mas’ul xodimlariga tizimdan foydalanish bo‘yicha zarur tushuntirish va ko‘rsatmalar berish;
• kafolat va zarur servis xizmatlarini ta’minlash.

Asosiy texnik va sifat talablari:

• Taklif etiladigan barcha uskunalar yangi, avval foydalanilmagan bo‘lishi shart.
• Uskunalar tegishli sifat sertifikatlari va muvofiqlik hujjatlariga ega bo‘lishi lozim.
• VRF tizimi yil davomida sovutish va isitish rejimlarida barqaror ishlash imkoniyatini ta’minlashi kerak.
• Uskunalar tashqi muhit ta’siri, jumladan, yozgi yuqori harorat, qishki sovuq, namlik va boshqa iqlim omillariga mos bo‘lishi lozim.
• Tizim imkon qadar energiya tejamkor va kam shovqinli bo‘lishi talab etiladi.
• Montaj ishlarida faqat sifatli va sertifikatlangan materiallardan foydalanilishi lozim.
• Ijrochi obyektning mavjud konstruksiyalari va muhandislik kommunikatsiyalariga zarar yetkazmasdan ishlarni amalga oshirishi shart.
• Barcha ishlar to‘liq yakunlanib, tizim ishchi holatda Buyurtmachiga topshirilishi lozim.

4. To‘lov shartlari:

• To‘lov shakli: Shartnoma imzolangan kundan boshlab 5 bank kuni ichida 70% oldindan to‘lov.

Barcha manfaatdor tashkilotlardan o‘z tijorat takliflarini 100007, Toshkent sh., Bobur ko‘chasi 77-uy manziliga yoki zakupki@rtsb.uz va e.sodiqov@rtsb.uz elektron pochta manziliga jo‘natishlarini so‘raymiz.

Batafsil maʼlumot olish uchun quyidagi telefonlarga murojaat qilishingiz mumkin:

(71) 207-00-33 (1138) M. To’raboyev.