HURMATLI AKSIYADORLAR!

 

“O‘zRTXB” AJ aksiyadorlarga 2023-yil 24-noyabr kuni soat 11:00da aksiyadorlarning navbatdan tashqari umumiy yig‘ilishi o‘tkazilishini ma’lum qiladi.

Aksiyadorlarning umumiy yig‘ilishi aksiyadorlar umumiy yig‘ilishlarini masofadan turib Internet tarmog‘ida onlayn rejimda o‘tkazishga mo‘ljallangan “Elektron ovoz berish - eVOTE” (http://evote.uz/) elektron ovoz berish servisi orqali o‘tkaziladi.

Aksiyadorlarning navbatdan tashqari umumiy yig‘ilishida ishtirok etuvchi “O‘zRTXB”AJ aksiyadorlari reyestrini shakllantirish kuni: 2023-yil 20- noyabr.

 

Kun tartibi:

1. “O‘zRTXB” AJ aksiyadorlari umumiy yig‘ilishining reglamentini tasdiqlash.
2. Sanoq komissiyasi a‘zolarining soni va shaxsiy tarkibini, hamda ularning vakolat muddatlarini tasdiqlash.

3. Davlat aktivlarini boshqarish agentligining 2023-yil 23-iyundagi 145-son buyrug‘i bilan tasdiqlangan Korporativ boshqaruv qoidalarining davlat ishtirokidagi korxonalar uchun tavsiyalarini “O‘zRTXB” AJ tomonidan rioya etilishi to‘g‘risida, shuningdek, 2019-yil
30-iyuldagi aksiyadorlar umumiy yig‘ilishi kun tartibining 1-masalasida, aksiyadorlik jamiyatlari faoliyati samaradorligini oshirish va korporativ boshqaruv tizimini takomillashtirish komissiyasi majlisining 2018-yil 20-apreldagi 15-sonli bayonnomasi bilan tasdiqlangan Korporativ boshqaruv qoidalarining davlat ishtirokidagi korxonalar uchun tavsiyalariga rioya qilish to‘g‘risidagi qarorini o‘z kuchini yo‘qotgan deb topish to‘g‘risida.

4. “O‘zRTXB” AJ Ustaviga o‘zgartish va qo‘shimchalar kiritish hamda uni yangi tahrirda tasdiqlash.

5. “O‘zRTXB” AJ ichki hujjatlariga o‘zgartish, qo‘shimchalar kiritish va yangi tahrirda tasdiqlash (“O‘zRTXB” AJ Kuzatuv Kengashi to‘g‘risidagi Nizom; “O‘zRTXB” AJ Ijroiya organi (Boshqaruv) to‘g‘risidagi Nizom; “O‘zRTXB” AJ ichki nazorati to‘g‘risidagi Nizom;
“O‘zRTXB” AJ boshqaruv organlarini rag‘batlantirish to‘g‘risidagi Nizom), shuningdek “O‘zRTXB” AJning ichki hujjatlari (2019-yil 19-noyabrdagi aksiyadorlarning umumiy yig‘ilishi tomonidan tasdiqlangan “O‘zRTXB” AJ Kuzatuv Kengashi va taftish komissiyasi aʼzolariga haq to‘lash to‘g‘risidagi Nizom; 2016-yil 27-maydagi aksiyadorlarning umumiy yig‘ilishi tomonidan tasdiqlangan “O‘zRTXB” AJ da manfaatlar to‘qnashuvi holatida harakatlar tartibi to‘grisidagi Nizom)ni o‘z kuchini yo‘qotgan deb topish.

6. “O‘zRTXB” AJ Kuzatuv kengashi a’zolarini saylash.

7. “O‘zRTXB” AJ Boshqaruv raisi va Boshqaruv a’zolarining vakolatlarini uzaytirish to‘g‘risida.

8. Mustaqil auditorlik tashkilotini tanlash va unga to‘lanadigan haqning eng ko‘p miqdorini belgilash:

Buxgalteriya hisobining milliy standartlari asosida “O‘zRTXB” AJning 2023-yil moliyaviy-xo‘jalik faoliyati yakunlari bo‘yicha tuzilgan moliyaviy hisobotini majburiy auditorlik tekshiruvidan o‘tkazish uchun;

Moliyaviy hisobotning xalqaro standartlari asosida “O‘zRTXB” AJning 2023-yil moliyaviy-xo‘jalik faoliyati yakunlari bo‘yicha tuzilgan moliyaviy hisobotini majburiy auditorlik tekshiruvidan o‘tkazish uchun;

Davlat ulushi bo‘lgan aksiyadorlik jamiyatlari va boshqa xo‘jalik yurituvchi subyektlar faoliyati samaradorligini baholash mezonlari to‘g‘risidagi Nizom (O‘zbekiston Respublikasi Vazirlar Mahkamasining 2015-yil 28-iyuldagi 207-son qaroriga ilova) talablariga muvofiq
2023-yil yakunlari bo‘yicha SMK va SYK miqdorlarining, shuningdek ularning bajarilishi foizlarining to‘g‘ri hisoblanganligini auditorlik tekshiruvidan o‘tkazish uchun.

9. 2023-yilda xayriya va boshqa beg‘araz yordam uchun belgilangan xarajatlar miqdorini o‘zgartirish.

 

Aksiyadorlarning umumiy yig‘ilishida ko‘rib chiqiladigan materiallar bilan aksiyadorlar Toshkent shahar, Yakkasaroy tumani, Bobur ko‘chasi 77-uyda joylashgan Birja binosida,
2023-yil 10-noyabrdan boshlab aksiyadorlarning navbatdan tashqari umumiy yig‘ilishi o‘tkaziladigan kunga qadar ish kunlari soat 10-00 dan 16-00 gacha tanishib chiqishlari mumkin.

Aksiyadorlar http://evote.uz/ internet saytining elektron ovoz berish servisi orqali yig‘ilishda ishtirok etish huquqiga ega bo‘lgan aksiyadorlar ro‘yxatiga kiritilganligi haqida elektron xabar olgan vaqtdan boshlab Aksiyadorlarning umumiy yig‘ilishida ishtirok etuvchi aksiyadorlar sifatida ro‘yxatdan o‘tkazilgan deb hisoblanadi.

Aksiyadorlarning navbatdan tashqari umumiy yig‘ilishida elektron ovoz berish servisi orqali ishtirok etish qoidalari (shartlari) bilan http://evote.uz/ saytida tanishib chiqishingizni so‘raymiz.

Aksiyadorlarning umumiy yig‘ilishida ishtirok etish va ushbu yig‘ilishda ko‘rib chiqiladigan materiallar bilan tanishish yuzasidan savollar bo‘yicha (71) 207-00-33 (ichki:1045) telefon raqami orqali murojaat qilishingizni so‘raymiz.

Aksiyadorlar o‘z murojaatlarini quyidagi elektron manzilga yuborishlari mumkin: info@rtsb.uz.