HURMATLI AKSIYADORLAR!

“O‘zRTXB” AJ aksiyadorlariga 2024-yil 8-oktabr kuni soat 11:00da aksiyadorlarning navbatdan tashqari umumiy yig‘ilishi o‘tkazilishini ma’lum qiladi.

Aksiyadorlarning umumiy yig‘ilishi aksiyadorlar umumiy yig‘ilishlarini masofadan turib internet tarmog‘ida onlayn rejimda o‘tkazishga mo‘ljallangan “Elektron ovoz berish - eVOTE” (http://evote.uz/) elektron ovoz berish servisi orqali o‘tkaziladi.

Aksiyadorlarning navbatdan tashqari umumiy yig‘ilishida ishtirok etuvchi “O‘zRTXB”AJ aksiyadorlari reyestrini shakllantirish kuni: 2024-yil 2-oktabr.

 

Kun tartibi:

1. “O‘zRTXB” AJ aksiyadorlari umumiy yig‘ilishining reglamentini tasdiqlash to‘g‘risida.
2. “O‘zRTSB” AJ ning e’lon qilingan aksiyalarining eng ko’p miqdorini belgilash to‘g‘risida.
3. “O‘zRTSB” AJ Ustaviga o‘zgartish va qo‘shimchalar kiritish hamda yangi tahrirda tasdiqlash to‘g‘risida.
4. “O‘zRTSB” AJ dividend siyosatiga o‘zgartish va qo‘shimchalar kiritish hamda yangi tahrirda tasdiqlash to‘g‘risida.
5. Mustaqil auditorlik tashkilotini tanlash va unga to‘lanadigan haqning eng ko‘p miqdorini belgilash:

• Buxgalteriya hisobining milliy standartlari asosida “O‘zRTXB” AJning 2024-yil 9 oylik moliyaviy-xo‘jalik faoliyati yakunlari va 2024-yil moliyaviy-xo‘jalik faoliyati yakunlari bo‘yicha tuzilgan moliyaviy hisobotini majburiy auditorlik tekshiruvidan o‘tkazish uchun;
• Moliyaviy hisobotning xalqaro standartlari asosida “O‘zRTXB” AJning 2024-yil moliyaviy-xo‘jalik faoliyati yakunlari bo‘yicha tuzilgan moliyaviy hisobotini majburiy auditorlik tekshiruvidan o‘tkazish uchun;
• Davlat ulushi bo‘lgan aksiyadorlik jamiyatlari va boshqa xo‘jalik yurituvchi subyektlar faoliyati samaradorligini baholash mezonlari to‘g‘risidagi Nizom (O‘zbekiston Respublikasi Vazirlar Mahkamasining 2015-yil 28-iyuldagi 207-son qaroriga ilova) talablariga muvofiq 2024-yil yakunlari bo‘yicha SMK va SYK miqdorlarining, shuningdek ularning bajarilishi foizlarining to‘g‘ri hisoblanganligini auditorlik tekshiruvidan o‘tkazish uchun.

6. 2024-yilda xayriya va boshqa beg‘araz yordam uchun belgilangan xarajatlar miqdorini o‘zgartirish.

Aksiyadorlarning umumiy yig‘ilishida ko‘rib chiqiladigan materiallar bilan aksiyadorlar Toshkent shahar, Yakkasaroy tumani, Bobur ko‘chasi 77-uyda joylashgan Birja binosida,
2024-yil 27-sentabrdan boshlab aksiyadorlarning navbatdan tashqari umumiy yig‘ilishi o‘tkaziladigan kunga qadar ish kunlari soat 10-00 dan 16-00 gacha tanishib chiqishlari mumkin.

Aksiyadorlar http://evote.uz/ internet saytining elektron ovoz berish servisi orqali yig‘ilishda ishtirok etish huquqiga ega bo‘lgan aksiyadorlar ro‘yxatiga kiritilganligi haqida elektron xabar olgan vaqtdan boshlab Aksiyadorlarning umumiy yig‘ilishida ishtirok etuvchi aksiyadorlar sifatida ro‘yxatdan o‘tkazilgan deb hisoblanadi.

Aksiyadorlarning navbatdan tashqari umumiy yig‘ilishida elektron ovoz berish servisi orqali ishtirok etish qoidalari (shartlari) bilan http://evote.uz/ saytida tanishib chiqishingizni so‘raymiz.

Aksiyadorlarning umumiy yig‘ilishida ishtirok etish va ushbu yig‘ilishda ko‘rib chiqiladigan materiallar bilan tanishish yuzasidan savollar bo‘yicha (71) 207-00-33 (ichki:1045) telefon raqami orqali murojaat qilishingizni so‘raymiz.

Aksiyadorlar o‘z murojaatlarini quyidagi elektron manzillarga yuborishlari mumkin: info@rtsb.uz.