Eski Uzex.uz saytiga
o'tish

Hamdardlik bildiramiz

“O‘zbekiston respublika tovar-xom ashyo birjasi” AJ Qoraqolpog‘iston filialining boshqaruvchisi Aytmuratov Berdax Yerejepovichning 56 yoshda vafoti munosabati bilan marhumning og‘ir judolikka uchragan oila-a’zolari va yaqin qarindoshlariga chuqur ta’ziya izhor etamiz.

Berdax Yerejepovich o‘z mehnat faoliyatini davlat boshqaruv tizimlari, birja va irrigatsiya sohalariga bag‘ishladi. U ko‘p yillar davomida davlat hokimiyat va “O‘zbekiston respublika tovar-xom ashyo birjasi” AJ tizimlarida rahbarlik lavozimlarida ishladi va yurtimiz rivojiga munosib hissa qo‘shdi.

O‘z faoliyati davomida u hamkasblari orasida yuksak salohiyatli va adolatli rahbar, ochiq qo‘ngil va mehribon, e’tiborli va samimiy do‘st sifatida katta hurmatga sazovor bo‘ldi.

Yorqin insonni yo‘qotgan marhumning oila-a’zolari va yaqin qarindoshlariga O‘zbekiston respublika tovar-xom ashyo birjasi birja rahbariyati barcha xodimlari, xorijiy va mahalliy hamkorlari, brokerlik idoralari, savdo maydonchalari va treyderlar nomidan chuqur ta’ziya izhor etib, hamdardlik bildiradi.

Marhumning oxiratini obod qilib, ajru mukofotlarini ko‘paytirsin va yaqinlariga sabr bersin.