O'zbek
Ўзбек
Русский
English
UZEX haftalik dayjesti (25 – 31 iyul)
O‘tgan hafta davomida, ya’ni 25 – 31 iyul kunlari "O‘zbekiston respublika tovar-xom ashyo birjasi" AJning barcha savdo platformalarida 4 868,6 mlrd so‘mlik tovarlar sotilgan bo‘lib, bu avvalgi haftaga nisbatan 2 marotabaga ko‘pdir. Bunda sotuvlarning 45,1% - birja savdolari, 54,6% - elektron davlat xaridlari, 0,1% - ko‘rgazma-yarmarka savdolari va 0,3% - avtoraqamlarning onlayn-auksioniga to‘g‘ri keldi.
Kichik biznes va xususiy tadbirkorlik sub’ektlari ishtirokida tuzilgan bitimlarning umumiy hajmi 524,5 mlrd so‘mni tashkil qildi. Davlat xaridlari tizimlarida o‘tkazilgan elektron savdolar natijasida budjet va korporativ buyurtmachilarining qariyb 182,2 mlrd so‘mlik mablag‘lari tejaldi.
Ko‘rib chiqilayotgan davr mobaynida onlayn auksion orqali 4 986 ta avtoraqamlar sotildi, sotilgan davlat raqam belgilarining umumiy summasi 16,5 mlrd so‘mni tashkil qildi. Raqobatli savdolar natijasida bitimlarning 6,7% birinchi toifadagi avtoraqamlarga, 10,0% ikkinchi, 10,0% uchinchi, 13,5% to‘rtinchi, 18,1% beshinchi va 41,7% oltinchi toifa avtoraqamlarga to‘g‘ri keldi.
Birja savdolari
Ko‘rib chiqilayotgan davrda ochiq birja savdolari orqali jami 2 193,2 mlrd so‘mlik tovar resurslari sotildi. Sotuvchi korxonalar mahsulotlarni tasdiqlangan jadvallarga rioya qilgan holda birja savdolariga qo‘yishdi, shu jumladan:
Shakar
Birjaning shakar bozorida narxlar pasayishi qayd etildi. Hafta davomida birja savdolariga 10 351,0 tonna shakar qo‘yildi va ulardan 9 651,0 ming tonnasi, ya’ni 93% sotildi.
Ko‘rib chiqilayotgan davrda shakarning barcha kategoriyasi bo‘yicha shakllangan kunlik o‘rtacha narxlar mahsulotning bir tonnasi uchun 12 681,2 ming so‘mdan 11 468,6 ming so‘mgacha, ya’ni 9,6%ga pasaygan.
Paxta yog‘i
O‘tgan haftada birja savdolariga 2 732,0 tonna paxta yog‘i qo‘yildi, undan 991,0 tonnasi sotildi. O‘tkazilgan savdolarda har kuni o‘rtacha 65 xaridor ishtirok etdi. O‘rtacha kunlik sotuv hajmlari 198,0 tonnani tashkil qildi.
Ko‘rib chiqilayotgan davrda barcha navli paxta yog‘ining kunlik o‘rtacha narxlari mahsulotning bir tonnasi uchun 19 246,0 ming so‘mdan 17 863,9 ming so‘mgacha, ya’ni 7,2% ga pasayganini ta’kidlash lozim.
Polietilen
O‘tgan hafta mobaynida birja savdolariga 3 941,0 tonna polietilen qo‘yildi va ulardan deyarli barcha hajmi sotildi. Polietilenning o‘rtacha kunlik sotuv hajmlari 788,0 tonnani tashkil qildi.
Ko‘rib chiqilayotgan davrda polietilenning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 18 919,0 ming so‘mdan 15 036,0 ming so‘mgacha, ya’ni 20,5% ga pasaydi. O‘tkazilgan savdolarda har kuni o‘rtacha 81 xaridor ishtirok etdi.
Manbaa: "O'zRTXB" AJ PR bo'limi
Boshqa yangiliklar:
- Davlat xaridlari elektron tizimida ishtirokchilar reytingi ishlab chiqilmoqda
- UZEX haftalik dayjesti (18 – 24 sentyabr)
- “Mening mehnatim” xayriya yarmarkasi bo‘lib o‘tdi
- UZEX haftalik dayjesti (11 – 17 sentyabr)
- Xitoy kompaniyasi vakillari birjaga tashrif buyurishdi
- UZEX birjasi orqali 1,0 tonnadan ziyod qimmatbaho metallar sotildi