O'zbek
Ўзбек
Русский
English
UZEX birjasi Fitch reytingidan so‘ng ISO 9001:2015 xalqaro standarti bo‘yicha resertifikatsiyadan o‘tdi
2023-yil yanvarda “O‘zbekiston respublika tovar-xom ashyo birjasi” AJ o‘z tarixida ilk bor “Fitch Ratings” xalqaro reyting agentligining kredit reytingini egalagan edi. O‘zbekiston respublika tovar-xom ashyo birjasining xalqaro reyting bahosi “B” (barqaror kutilma) darajada tasdiqlangan.
Endilikda “O‘zbekiston respublika tovar-xom ashyo birjasi” AJ sifat menejmenti tizimining resertifikatsiyalash auditini muvaffaqiyatli yakunladi va birja savdolari, ko‘rgazma-yarmarka savdolari, elektron davlat xaridlari hamda elektron tijoratni tashkil etish va o‘tkazish sohalarida ISO 9001:2015 standarti talablariga mos, deb topildi.
Joriy yil mart oyi davomida “CERT International” sertifikatlash bo‘yicha mustaqil organining tashqi auditorlar komissiyasi tomonidan “ O‘zbekiston respublika tovar-xom ashyo birjasi” AJ faoliyati o‘rganib chiqildi.
Audit davomida birja bo‘linmalari faoliyatining ISO 9001:2015 standarti talablariga mos kelishi, sifat menejmenti tizimi bo‘yicha birjaning amaliyoti va meʼyoriy-huquqiy hujjatlari baholandi. Birja xizmatlarining sifati, mijozlar bilan o‘rnatilgan muloqot aloqalarning samaradorligi, hamda belgilangan maqsad va vazifalarga erishish natijalari o‘rganib chiqildi.
Birja faoliyati bo‘yicha o‘tkazilgan resertifikatsiyalash auditi natijalariga ko‘ra, hech qanday nomutanosibliklar va kamchiliklar aniqlanmadi. Birjaning missiya va qadriyatlari asosini tashkil etuvchi birjaning mijozlariga eʼtibori va uning innovatsiyalarga moyilligi mazkur mavqeiga erishishda ko‘mak berdi.
Auditorlar birjaning asosiy bo‘linmalari rahbarlarining yetarli bilimga ega ekanliklarini, mijozlarga qaratilgan eʼtibor va dasturiy mahsulot ishlanmalari kompaniyaning kuchli jihatlari sifatida eʼtirof etildi. Shu bilan birga birjada menejment tizimi sifatini yana-da yaxshilash bo‘yicha tavsiyalar berildi.
O‘z navbatida, xalqaro sertifikat ko‘rsatilayotgan birja xizmatlarni yuqori sifat darajasini tasdiqlaydi va birja faoliyatining doimiy ravishda takomillashtirishga ko‘maklashadi.
Manbaa: "O'zRTXB" AJ PR bo'limi