2024 йил 15 апрель куни техник сабабларга кўра «Ўзбекистон республика товар-хом ашё биржаси» АЖнинг Салл-марказ рақами (71 207-00-33) ва ишонч телефони (71 213-33-03) вақтинча иш фаолиятида эмас. Барча савол ва мурожаатларни https://uzex.uz/ расмий сайтидаги чат ва https://t.me/uzexfeedback (https://t.me/UZEXfeedbackbot) телеграм боти орқали йўллашингиз мумкин. Келтирилган ноқулайликлар учун узр сўраймиз!

Пахта хомашёсини етиштирувчи хўжаликлар ва кластерлар ўртасида пахта хомашёсини етказиб бериш бўйича фьючерс шартномалари тупроқ ҳосилдорлиги нормативлари доирасида Ўзбекистон республика товар-хом ашё биржасининг “пахта хомашёси секцияси”да ҳар бир ҳудуд бўйича алоҳида ўтказиладиган савдолар натижаларига кўра тузилади. Қуйидаги ҳавола орқали тўлиқ маълумот олишингиз мумкин.

xarid.uzex.uz электрон тизимда бошланғич нархни пасайтириш учун ўтказиладиган аукцион ва электрон дўкон савдоларида давлат буюртмачилари ҳамда савдо иштирокчилари савдоларда қатнашиш учун керак бўладиган воситачилик йиғими ва закалат маблағларини ҳисоблаб берувчи калькулятор яратилди. Калькулятордан фойдаланиш учун мижоз тури, бошланғич нарх ва таклиф миқдори киритилганидан сўнг керак бўладиган воситачилик йиғими ва закалат маблағлари ҳисоблаб берилади.

Ҳурматли иштирокчилар, эслатиб ўтамиз! Ўзбекистон Республикаси Вазирлар Маҳкамасининг 21.06.2023-yildagi 253-сонли Қарорига кўра ғолиб (жисмоний шахс) молиявий мажбуриятларни тўлиқ қоплагандан кейин ўзининг яқин қариндошига (ота-она, туғишган ёки ўгай ака-ука ва опа-сингиллар, эр-хотин, фарзандлар, шу жумладан фарзандликка олинганлар, бобоси, бувиси, неваралар, шунингдек, эр-хотиннинг ота-онаси, тугишган ёки ўгай ака-укалари ва опа-сингиллари)га, шунингдек, умумий мулкка эгалик қилиш ҳуқуқига эга бўлган шахсларга ва меросхўрларга тегишли бўлган автотранспорт воситасига РЎДРБни расмийлаштиришга розилик беришга ҳақли.

xarid.uzex.uz электрон тизимда бошланғич нархни пасайтириш учун ўтказиладиган аукцион ва электрон дўкон савдоларида давлат буюртмачилари ҳамда савдо иштирокчилари ўртасида битим тузилганидан сўнг, “Менинг битимларим” бўлимида электрон чат орқали ўзаро хабарлашиш имкони яратилди. Давлат буюртмачиси ва харид иштирокчилари “Очиқ чат” ячейкасига кириб сўровларга жавоб беради.

Авторақамлар (Оширилган тўлов ставкаси бўйича автотранспорт воситалари учун РЎДРБ) биржанинг ахборот тизимида рақобатли жараёнда ғолиб бўлганларга тегишли бўлган автотранспорт воситаларига берилади.